Taalie 14:13-19

¹³Mixi nɔma yelede a dɛ ra, a tɔɔrɔxi a bɔɲɛ kui. Sɛɛwɛ nɔma mafindide tɔɔrɛ ra.

¹⁴Mixi ɲaaxi yo, mixi fanyi yo, e birin e xa wali sare sɔtɔma nɛ.

¹⁵Xaxilitare lama nɛ mixi birin xa masenyi ra, kɔnɔ xaxilima kira matoma nɛ beenu a xa bira na fɔxɔ ra.

¹⁶Xaxilima gaaxuma nɛ Ala ya ra, a fa gbilen fe ɲaaxi fɔxɔ ra, kɔnɔ xaxilitare tan soma nɛ na fe ɲaaxi kui mafuren.

¹⁷Mixi naxan bɔɲɛ tema mafuren, a daxuɲa nan nabama. Mixi madaxui mu rafan mixi yo ma.

¹⁸Daxuɲa findima nɛ xaxilitare kɛ ra, xaxilimae tan lɔnni nan sɔtɔma.

¹⁹Mixi ɲaaxie fama nɛ e xinbi sinde tinxintɔɛe bun ma, e kantari nan fenma tinxintɔɛe xɔnyi.