Taalie 13:18-21

¹⁸Mixi naxan tondima marasi ra, a setareɲa nun yaagi sɔtɔma nɛ, kɔnɔ naxan marasi ramɛma, a binyɛ nan sɔtɔma.

¹⁹A ɲɔxun, mixi waxɔnfe na raba a bɛ, kɔnɔ xaxilitare mu tinma gbilende a waxɔnfe ɲaaxi fɔxɔ ra.

²⁰Mixi na lu xaxilima fɔxɔ ra, a fan xaxili sɔtɔma nɛ, kɔnɔ lɔnnitaree xa malan booreɲa, findima tɔɔrɛ nan tun na.

²¹Yunubitɔɛ sare findima fe ɲaaxi nan na, tinxintɔɛ tan sare findima hɛɛri nan na.