Saylar 13:5-24

⁵Şimeon qəbiləsindən Xori oğlu Şafat;

⁶Yəhuda qəbiləsindən Yefunne oğlu Kalev;

⁷İssakar qəbiləsindən Yusif oğlu İqal;

⁸Efrayim qəbiləsindən Nun oğlu Huşə;

⁹Binyamin qəbiləsindən Rafu oğlu Palti;

¹⁰Zevulun qəbiləsindən Sodi oğlu Qaddiel;

¹¹Yusif qəbiləsindən, yəni Menaşşe qəbiləsindən Susi oğlu Qaddi;

¹²Dan qəbiləsindən Gemalli oğlu Ammiel;

¹³Aşer qəbiləsindən Mikael oğlu Setur;

¹⁴Naftali qəbiləsindən Vofsi oğlu Naxbi;

¹⁵Qad qəbiləsindən Maki oğlu Geuel.

¹⁶Ölkəni nəzərdən keçirmək üçün Musanın göndərdiyi adamların adları belədir: Musa Nun oğlu Huşəyə Yeşua adını verdi.

¹⁷Musa onları Kənan torpağını nəzərdən keçirmək üçün göndərərkən dedi: «Bu yoldan Negevə gedin və dağlığa çıxın.

¹⁸Ölkənin necə olduğunu görün. Orada yaşayan xalq güclümü, zəifmi, azmı, çoxmu?

¹⁹Yaşadıqları ölkə necə, yaxşımı, pismi? Şəhərləri necə, hasarlımı, istehkamsızmı?

²⁰Torpaq necə, münbitmi, məhsulsuzmu? Orada ağac varmı, yoxsa yox? Əlinizdən gələni edib ölkənin meyvəsindən gətirin». O zaman üzüm yetişən mövsüm idi.

²¹Onlar yola düşdülər və Zin səhrasından Xamat keçidindəki Rexova qədər ölkəni nəzərdən keçirdilər.

²²Negevə çıxdılar və Xevrona çatdılar; orada Anaqlı Aximan, Şeşay və Talmay yaşayırdı. Xevron Misirdəki Soan şəhərindən yeddi il əvvəl tikilmişdi.

²³Eşkol vadisinə çatanda bir salxım üzümü olan bir tənək budağı kəsdilər və adamların ikisi bir neçə nar və əncirlə birlikdə tənək budağını aralarında bir şüvüldə aparırdılar.

²⁴İsrail oğullarının oradan kəsdikləri salxıma görə o yerə Eşkol vadisi deyildi.