Samsi 103

1

8

23

27

34

51

67

90

95

100

103

110

119

139

¹Aee–, Yaluwagu, Guyau u fadebasae! Ma nuwa ofi fahigu hesana fafatabuna E fadebasae!

²Aee–, yaluwagu, Guyau u fadebasae. Ena ainauya mahudoꞌidi haba E nuwa nuwatuhuidi,

³in egu heyaheyaya mahudoꞌidi ya nuwatuhu afuledi yo agu asiyebo mahudoꞌidi ya faloholohodi,

⁴Peꞌi yai ya famwahuli fuyoꞌigu, be ena faloholoho yai, in ya gadogadosisiyegu yo ya fanuwatohatohaegu.

⁵Egu miya lahaidi ganahewadi yai ginauli loholohodi ya aiꞌainauyaigu, be haba taugu ena adidili ya fafwaufwau fuyoi doha magesubu gubugubufwauna.

⁶Guyau laulau dudulaina yai safalumadi sa ita lidilidiyedi ya saguhidi.

⁷Ena nuwatuhu Mose ya fatalaha, yo ena paipaisowa Isalaela dodogadi hinaga ya fatalahadi.

⁸Guyau in fafanuwatohatohana yo anꞌansoina, hige i manamanabala feula yo ena gadosisi ya fafatadada.

⁹In ibege fuya ouꞌouli i laulau fagilu, yo ena manabala ibege i ota esegahi.

¹⁰Eda heyaya debadi yai in gonowana ya fakamkamnada, in moho ibege i ginauli.

¹¹Doha galewa tanoꞌubu ya saipwai mate ena gadosisi laꞌina tau fafaꞌatitiyenna lebedi yai.

¹²Eda heyaheyaya lofana doha tefa saisai yai, na ya lau ee–, tefa leuleu yai mate ya kamfahidi.

¹³Doha taumoho nanatuna ya fanuwatohatohaedi mate doha Guyau tau faꞌatitiyenna ena fanuwatohatohaedi.

¹⁴Paꞌana ya sibai, ita tanohi moho lisina yai ya ginaulida, be ya nuwatuhui ita hige dodoga adiꞌadidilida.

¹⁵Eda miya lahaidi yai doha hawahawa, doha mula inꞌin gaibudi, sa taya be sa peꞌi.

¹⁶Hwayahwayau ya towa tawaidi be sa failaulauwidi na hige sai i ita fuyoꞌidi.

¹⁷Safalumadi Guyau sa ita hitiꞌi, ena gadosisi otaꞌota fahidi. Lisidi yai, ena loholoho haba ya ota esegahi ya lau ee–, hitina yo hitina.

¹⁸Umi, safalumadi ena liba fasunuma yo laugagayo sa atahiyedi, mate bena sa awaꞌabiyedi.

¹⁹Guyau galewa ya abi ena aba taꞌai, be amainiya ginauli mahudoꞌidi ya tanuwagaidi.

²⁰Guyau au fadebasae! Umi, ena anelu adiꞌadidilidi yo dididigadi, yo umi ena laugagayo au awaꞌabiyedi, yo au ataꞌatahi lau somo ya libalibaedi.

²¹Wananaha! Guyau au fadebasae! Umi, Galewa ena hiyala dodogadi, yo umi, ena tau paisowa, be ena nuwatuhu ami laulau watandi,

²²Ginauli mahudoꞌidi ya ginauli ena aba baꞌisa nuꞌuna mahudoꞌina yai, Guyau, au fadebasaen. Guyau ee–, egu nuwanuwatuhu yai E fadebasaem.