1Wana Tau Lau Kulukuluwenna, Deiwidi ana Wana Hesa Guyau, wa siba wananahaigu nuwagu ganahewana wa ita faꞌofi.
2Egu taꞌai yo egu obiyo haꞌa wa sibaidi. Edam ya lofa in moho egu nuwanuwatuhu haꞌa wa sibaidi.
3Egu leu, egu sae yo egu anyawasi wa sibaidi. Egu laulau mahudoꞌidi haꞌa wa itadi.
4Guyau, hola hige liba hesa ya libaen na haꞌa wa siba.
5Um egu eda wa bwaꞌiyen yo hinaga muligu yai wa laolaoma, em gigibwali yai wa bobobodiyegu.
6Sibasiba doha ite mate noꞌona hige gonowagu, ya hasai wananaha be hige gonowana somo ya ita lobahi.
7Siya haba E fuyofuyoꞌegu be ibege u itagu?
8Ibe E hasai galewa, um amainiya; ibe E peꞌi be sa boꞌusaigu, um hinaga amainiya.
9Ibe E lofo lau maihala ena aba kepama nuꞌuna yai, e E lau maihala ena aba bulu nuꞌuna yai E miya,
10ai nuꞌudi ni hinaga haba wa foyahigu, na em adidili aba bobodiyegu.
11Yau gonowagu kamumu E faliba ya simogu e mala ya fataꞌiꞌiligu gonowana e faliba ya iꞌipa.
12In moho kamumu yai hige gonowana ya ala simoꞌem hinaga. Iꞌipa lisim yai ya mahata doha lahai. Kamumu yo mahata um lisim yai gonogonowadi.
13Tinagu bogana ganahewana yai wa itagu; um ibom moho wa siba yau amainiya, kamumu ganahewana yai. Taugu mahudoꞌidi wa ginaulidi, wa fasusu gogondi tinagu bogana ganahewana yai. E fadebasaem paꞌana wa ginauli loholohoꞌigu yo wa ginauli komakomanigu. E siba wananaha em paisowa sa fanuwa noꞌonoꞌo wananaha.
16Taugu hola hige u fasusu gogondi na hola hige lahai bwaꞌibwaꞌina i tubu, mate haꞌa wa itagu. Na egu mwahuli lofana fisa haꞌa wa uli nonohai em buka yai.
17Aee–, egu Yaubada, hige gonowana em nuwatuhu ya siba ofinidi, paꞌana sa ouli wananaha!
18Hige gonowana hinaga ya fatilidi paꞌana sa ouli wananaha, habahim gelegele fufuꞌadi! Yena bena mahudoꞌina E fatili, mate yena E eno obiyo, um maꞌegu.
19Aee–, egu Yaubada, E fanuha wananaha bena heyaya tau laulau ginauli wa wunuidi! Yo tau aiꞌaiyunu wa falakodi.
20Sa liba fafaheyayam yo hesam hige ti faꞌatitiyen.
21Guyau, tau ꞌwaiyoꞌoꞌem hinaga E ꞌwaiyoꞌoꞌedi. Em liba hige ti lau watan be iti agu waiyunu.
23Nuwagu ganahewana u mainene komakomaniꞌi, egu nuwanuwatuhu u sibaidi.
24Laulau heyaheyayadi somo lisigu yai u faꞌitagu na u foya lawegu mwahuli edaꞌedana otaꞌotafahina lisina yai.
