Sam 95:1-6

¹Mae mada kera vahesia se Zihova! Mada velavela vahesia pa qinetuqetu sa Patu hihiu tana nada Hinarupu!

²Mada nuquru mae pa kenuna Sa pa kinera vinahesi, mada kera qetuqetu Nia koari na kinera vinahesi.

³Ura e Zihova sina Tamasa lavata, Asa si na Baṉara lavata sapu ṉati hiniva ni sari doduru tamasa.

⁴Ṉati hiniva nia Sa sa doduruna sa kasia popoa, podalae koari na vasidi lohidi meke kamo koari na toqere ululudi hola.

⁵Ṉati hiniva nia Sa sa kolo lamana sapu ele tavetia Sa; meke gua tugo sa pepeso sapu ele kuria Sa.

⁶Mae todoṉo mada vahesia, mada kokotuṉu pa kenuna e Zihova sapu tavete gita.