1Kélinglar, Perwerdigarni yangritip küyleyli, Nijatliqimiz bolghan Qoram Téshimizgha tentene qilayli!
2Teshekkürler bilen uning aldigha kéleyli, Uninggha küyler bilen tentene qilayli!
3Chünki Perwerdigar — büyük bir ilahtur, Pütkül ilahlar üstidiki büyük bir Padishahtur.
4Yerning tegliri Uning qolididur, Taghlarning choqqilirimu Uningkidur.
5Déngiz Uningki, U uni yaratqan; Quruqluqni Uning qolliri shekillendürdi.
6Kélinglar, Uninggha bash urup sejde qilayli, Perwerdigar Yaratquchimiz aldida tiz pükeyli!