Sam 48:8-14

⁸Ele avoso nia gami gua sapu ele evaṉia e Zihova, meke kamahire si dogoro sotia gami koasa vasileana lavata tanisa nada Tamasa, sapu e Zihova Tadi na Qeto Minate, meke kaqu kopu nia na va sare ia Sa sa Nana vasileana lavata ninae rane ka rane.

⁹Kei Tamasa, balabala va lohi la ia gami sa Mua tataru nabuna pa korapana sa Mua Zelepade.

¹⁰Kei Tamasa, tavahesi si Goi koari na tie pa doduruna sa kasia popoa, meke avoso gilania rini sa Pozamu. Baṉara ni Goi sari na tie pa tinoṉoto;

¹¹madi koa qetu sari na tie pa Toqere Zaione! Madi koa qetuqetu sari na tinoni pa Ziuda, sina koa gua koasa Mua vinaripitui toṉotona.

¹²Mi ene vari likohae nia si pa Zaione, mamu naei sari na vasina varipera ululudi koasa barana.

¹³Doṉo va nonogai sari na gobana, mamu viliti valeani sari na vasina ṉiṉiradi koasa sasada, pude mu boka vivinei nia koasa sinage vaqura sapu korapa ta podo mae,

¹⁴sapu e Zihova tugo sa nada Tamasa ninae rane ka rane. Asa si kaqu na nada koimata koari na rane mae hiroi.