SALMOS 48:8-14

⁸Benlžo che da' ben Dios, na' na'a ba bḻe'elžon ḻo yež che X̱anžon', Bennen' nape' dot yeḻa' wak. Ḻe' wzóa chawe'e yež nga to chi'ize.

⁹Ga nak ḻo yodo' chio' Le', Dios, žezá' ḻáže'to' ka nak yeḻa' ži'i ḻaže' ẕen chio'.

¹⁰Gáte'teze ẕka'n ẕengak benách ka' Le', na' yeḻa' ẕen chio' ẕžinen do ẕente yežlyó. Ka ẕnna bi'o naken chawe'.

¹¹Yebéḻe'egekle benne' ka' nníta'gake' yež Sión. Yebégekle benne' ka' nníta'gake' yež ka' che Judá dan' ẕchi'a ḻáže'kzo' ḻégake'.

¹²Ḻe'e, benne' ka' che Dios, le chechjle žoa'a yežen'. Le wláb yo'o sibe ka', da' ka' žape chí'igaken yežen'.

¹³Le wia nga ka nak ze'e ẕen da' nyechjlen yežen'. Le wia binlo ka zej nak yo'o waḻe ka' chen, nich wzénlele x̱kwide' chele ka' ka zej naken.

¹⁴Dios ni nakkze' Dios chežo to chi'ize. Ḻe' wḻoé'ekzle' žo'o nez chawe'.