Sam 17:4-9

⁴sapu hoke evaṉia ri kaiqa. Ele va tabei rau sari na Mua tinarae, meke lopu luli rau sari na hahanana tadi na tie variva mate.

⁵Ele ene luli valeania rau sa Mua siraṉa, meke lopu hite va karia rau si keketoṉa.

⁶Kei Tamasa, varavara atu si rau, sina avosau Goi. Mu va taliṉa mae au, Mamu avosi sari na qua zinama.

⁷Mamu vata dogoro nia sa Mua tataru nabuna, Mamu harupau. Koa Goi si tava sare si rau koari na qua kana, sina kalavarae si rau koa Goi.

⁸Mamu kopu totoko nau gua sapu kopu totoko pule Nigo, Mamu tomeau pa kaurudi ri na tatapurumu,

⁹pude qu tava sare koari na tie kaleadi pu ṉoṉovalau, na tie variva mate pu koa vari likohae nau.