Text copied!
CopyCompare
Icamanal toteco; Santa Biblia - SALMOS

SALMOS 83

Help us?
Click on verse(s) to share them!
1¡Toteco Dios, amo san xitacacto, yon amo san xitachixto quema timotatajtíaj! Monequi technanquili huan techmanahui,
2pampa mocualancaitacahua tahuejchihuaj hasta quej nanalcaj huan mohueyimatij ica ta.
3Inijuanti tahuel quimatij quenicatza quitalise taquetzti ica momasehualhua. Huan quisencahuaj quenicatza quichihuase para quinmictise cati tiquintapejpenijtoc.
4Huan quiijtohuaj: “Ma tiyaca tiquinixpolotij nochi nopa israelitame para ayecmo ma elica se tali ica imasehualhua. Huan ayecmo aqui quielnamiquis itoca Israel.”
5Ya nopa cati quisencajque san sejco quema mosentilijque para mocamanalhuise. Quena, san sejco quichijque se camanali para fiero mitzchihuilise.
6Nopa masehualme elque iixhuihua Edom, Ismael, Agar huan Moab.
7Nojquiya inijuanti hualajque ten nopa talme Gebal, Amón, Amalec, Filistea huan Tiro.
8Huan nopa masehualme ten tali Asiria nojquiya mosejcotilijque inihuaya. Nojquiya iixhuihua Lot.
9Xiquinchihuili san se quej tiquinchihuili tali Madián ehuani, o quej tijchihuili Sísara huan Jabín ehuani ipan hueyat Cisón.
10O xiquinchihuili quej tijchijqui ica mocualancaitacahua ipan tali Endor. Inijuanti inintacayohua mocajque tepejtoque talchi huan elque quej abono para tali.
11Xijchihua para nopa tacame cati tahuel tejtetique ma miquica quej Oreb huan Zeeb quinmictijque. Huan nojquiya xijchihua para inintayacancahua ma miquica quej nopa tanahuatiani Zeba huan Zalmuna.
12Pampa inijuanti quiijtojque: “Ma timoaxcatica nopa tali cati iaxca Dios.”
13NoTeco Dios, xiquinsemana ica moijyoyo quej elisquíaj taltepocti, o quej tasoli cati quihuica ajacat,
14o quej se hueyi tit cati quitamitatía se cuatitamit.
15Xiquinquixti ica huejhueyi tit, ica tatomonilot, huan ica huejhueyi ajcomalacat.
16TOTECO, xiquinpinahualti nochi hasta mitzixmatise ta huan mohueyi chicahualis.
17Ayecmo ma quimatica taya quichihuase. Ma mopinahualtica huan ma huetzica ipan majmajti.
18Quena, xiquinchihuili ya nopa hasta quimachilise para san ta tiTOTECO, huan para ta tiDios Cati Más Hueyi huan para san ta tijnahuatía nochi taltipacti.