1¡TOTECO, xijtacaquili cati nimotatajtía ica ta! Technanquili pampa ta titemachti huan san cati cuali tijchihua.
2Amo ximochihua quej se juez huan techtajtolsencahua, pampa moixpa ta amo aqui se masehuali cati itztoc xitahuac.
3Nocualancaitacahua nechtepotztocatoque huan nechitzquijque. Nechtahuisojque huan nechchihualtíaj ma niitzto ipan tzintayohuilot quej cati ya mictoque.
4Nelía senquisa nimoyoltequipachohua, hasta ayecmo nijmati taya nijchihuas.
5Niquelnamiqui quenicatza eltoya ipan nopa tonali cati panoc. Nimoyolilhuía ten nochi huejhueyi tamanti cati tijchijqui.
6Yeca nimomatanana moixpa huan nimitztemohua. Ipan noyolo tahuel nimitznequi quej se tali cati huactoc quinequi at.
7TOTECO, nimantzi technanquili pampa tahuel nitaijyohuía ipan noyolo. Amo ximoicancuepa ten na para amo nimiquis.
8Ica ijnaloc, technextili motaicnelijcayo, pampa ipan ta nimotemachijtoc para techmocuitahuis. Technextili nopa ojti cati monequi nijtoquilis, pampa san ta nimitzilhuía cati eltoc ipan noyolo.
9TOTECO, techmanahui ten nocualancaitacahua, pampa ipan ta nimotemachía para amo teno nopantis.
10Techmachti ma nijchihua cati ta tijnequi pampa ta tinoTeco Dios. MoTonaltzi ma nechyacana campa cuali ojti.
11TOTECO, techmaquixti para ma monexti mohueyitilis. Techquixti ten ni taijyohuilisti pampa ta tijchihua cati xitahuac.
12Pampa ta techicnelía, xiquinhuejhuelo nochi nocualancaitacahua. Xiquintzontamilti nochi cati quinequij nechchihuilise cati amo cuali, pampa nimotequipanojca.
