Salmos 95

1

2

8

19

22

23

34

37

40

46

51

73

90

91

95

100

102

103

117

118

121

131

135

138

139

146

150

¹Conla, laꞌ lac chaꞌlen cꞌay tiꞌ tyojlel lac Yum. Laꞌ lac pejcan Dios, tijicña lac pusicꞌal. Jiñʌch cheꞌ bajcheꞌ xajolel baꞌ chꞌujbi lac muc lac bʌ. Mux i cotyañonla.

²Laꞌ ochiconla tiꞌ tyojlel chaꞌan mi lac suben wocox i yʌlʌ. Yom tijicña lac pusicꞌal mi laj cꞌʌyin lac Yum ti salmo tyac.

³Como ñucʌch Dios lac Yum. Jiñʌch ñuc bʌ Rey tiꞌ tyojlel pejtyelel diosob.

⁴I tyʌmlel jini lum an tiꞌ wenta. I chaꞌañʌch i pam chan bʌ wits.

⁵I chaꞌañʌch jini colem jaꞌ, como jini tiꞌ mele. Tiꞌ mele jini lum tiꞌ pꞌʌtyʌlel.

⁶Laꞌ lac chꞌujutisan lac Yum. Laꞌ ñocleconla tiꞌ tyojlel jini tsaꞌ bʌ i meleyonla.

⁷Como lac Diosʌch. I quixtyañujonla. Miꞌ cʌñʌtyayonla cheꞌ bajcheꞌ ajcʌñʌtya tiñʌmeꞌ. Weñʌch muqꞌuic a wubiben i tꞌan Dios wale baꞌ mi yʌl:

⁸Mach tsʌtsꞌac laꞌ pusicꞌal cheꞌ bajcheꞌ yaꞌ ti Meriba yicꞌot yaꞌ ti Masah yaꞌ ti tyʌquin bʌ joch lum. Cheꞌ ñac tsiꞌ subeyob Moisés: Mach wʌꞌic an Dios la quicꞌot ti ili tyʌquin bʌ joch lum, cheꞌob.

⁹Laꞌ yumob ti ñoj oniyix ti yilpusicꞌleñon. Maꞌan tiꞌ chꞌujbiyoñob aunque cabʌl tiꞌ qꞌueleyob wen bʌ c melbal.

¹⁰Cꞌʌlʌ cuarenta jabil cꞌux ti cubi tic pusicꞌal ti caj bajcheꞌ tiꞌ chaꞌleyob. Ti cʌlʌ: Cabʌl miꞌ tyajob i ñajiyel tyac jini quixtyañujob. Mach i cʌñʌyob c bijlel, choꞌon.

¹¹Jin chaꞌan michꞌon ti cʌcꞌʌ c tꞌan chaꞌan maꞌan mi quej cʌqꞌueñob i cꞌajob i yo. Cheꞌ ti yʌlʌ Dios.