Salmos 1

1

2

8

19

22

23

34

37

40

46

51

73

90

91

95

100

102

103

117

118

121

131

135

138

139

146

150

¹Tijicña jini quixtyañu machꞌʌ baꞌan miꞌ chaꞌlen xʌmbal yicꞌot simaroñoꞌ bʌ chaꞌan miꞌ jacꞌbeñob i tꞌan, Jini machꞌʌ baꞌan mi waꞌtyʌl tiꞌ bijlel xmulilob, Jini machꞌʌ baꞌan mi buchtyʌl yicꞌot xwajleyajob.

²Ili quixtyañu miꞌ tyaj i tijicñʌyel tiꞌ mandar lac Yum. Miꞌ bej ñaꞌtyan chʌ bʌ yom lac Yum ti qꞌuiñil yicꞌot ti acꞌbʌlel.

³Lajalʌch jini quixtyañu bajcheꞌ tyeꞌ pʌcꞌʌl bʌ ti tiꞌ cuxul bʌ paꞌ muꞌ bʌ i yʌcꞌ i wut cheꞌ ti yorojlel. I yopol jini tyeꞌ mach yujil pꞌajtyel. Pejtyel chʌ bʌ miꞌ mel jini quixtyañu weñʌch mi yujtyel.

⁴Mach cheꞌic jini simaron bʌ quixtyañu. Lajalobʌch bajcheꞌ i sujl trigo muꞌ bʌ i wejlan majlel icꞌ.

⁵Jin chaꞌan machꞌan mi quej i qꞌuejlelob ti tyoj tiꞌ yorojlel melojel. Jini xmulilob machꞌan mi quej i yochelob yaꞌ baꞌ miꞌ muchꞌquiñob i bʌ jini tyojoꞌ bʌ.

⁶Como lac Yum miꞌ cʌñʌtyan jini tyojoꞌ bʌ tiꞌ bijlel. Pero i bijlel jini simaroñoꞌ bʌ mi yʌcꞌob ti jilel.