Salmos 34

1

2

8

19

22

23

34

37

40

46

51

73

90

91

95

100

102

103

117

118

121

131

135

138

139

146

150

¹Mi quejel c chꞌujutisan lac Yum ti beleꞌ ora. Mi quejel c bej sub i ñuclel c Yum.

²Ti pejtyel c pusicꞌal mic mulan c bej sub i ñuclel lac Yum. Cꞌajacña i yoj mi quej i yubiñob jini pecꞌoꞌ bʌ i pusicꞌal.

³Conla c sub i ñuclel lac Yum. Laꞌ lac motin ñuc isʌben i cꞌabaꞌ.

⁴Tic sajcʌ lac Yum. Ti yubiyon. Tiꞌ lajmisʌbon pejtyel c bʌqꞌuen.

⁵Lac Yum tiꞌ jacꞌbeyob jini quixtyañujob. Tsiquil tiꞌ wutyob chaꞌan tijicñayob. Machꞌan ti ajqꞌuiyob ti quisnil.

⁶Cheꞌ ñac ti uqꞌuiyob jini pꞌumpꞌuñoꞌ bʌ Lac Yum ti yubibeyob. Tiꞌ cotyʌyob loqꞌuel ti pejtyelel i wocol.

⁷I yajtroñel Dios chꞌoyol bʌ ti panchan miꞌ joy mʌctyan jini muꞌ bʌ i qꞌuel ti ñuc lac Yum. Miꞌ cʌñʌtyañob.

⁸Ñopola chaꞌan weñʌch lac Yum. Ñaꞌtyanla chaꞌan cꞌajacña i yoj jini muꞌ bʌ i tyaj i cotyʌntyel ti lac Yum.

⁹Qꞌuelela ti ñuc lac Yum, jatyetla i chaꞌañet bʌ la, Como maꞌan chʌ bʌ tyo yom i chaꞌañob muꞌ bʌ i qꞌuelob ti ñuc lac Yum.

¹⁰Jini yal bajlʌm mi yubin wiꞌñal. Pero mach cheꞌic jini muꞌ bʌ i sajcan lac Yum. Mi quej i tyaj pejtyel chʌ bʌ wen tyac.

¹¹Laꞌla, calobiletla, ubibeñonla c tꞌan. Mi quej j cʌntisañetla bajcheꞌ yom laꞌ bʌcꞌñan lac Yum.

¹²¿Majchqui yom i jalejel wʌꞌ ti mulawil chaꞌan miꞌ tyaj tijicña bʌ? ¿Mach ba jatyetyʌch?

¹³Cʌñʌtyan a tiꞌ ame maꞌ wʌl chʌ bʌ mach wen. Cʌñʌtyan a wacꞌ ame a chaꞌlen lot.

¹⁴Cʌyʌ simaronlel, mele chʌ bʌ wen. Jopꞌo a wajñel ti ñʌchꞌtyʌlel a pusicꞌal.

¹⁵Lac Yum miꞌ qꞌuel jini tyojoꞌ bʌ. Miꞌ ñʌchꞌtyʌben i yoración.

¹⁶Pero mach yom i qꞌuel jini muꞌ bʌ i chaꞌleñob simaronlel. Mi quej i jisañob chaꞌan machꞌan miꞌ chʌc ñaꞌtyʌntyelob ti mulawil.

¹⁷Jini tyojoꞌ bʌ miꞌ cꞌajtin i cotyʌntyel ti lac Yum. Mi yubiñob. Mi yʌcꞌ ti ñumel pejtyel i wocol.

¹⁸Lʌcꞌʌl an lac Yum baꞌan jini chꞌʌjyemoꞌ bʌ. Miꞌ cotyan jini ñoj chꞌʌjyemoꞌ bʌ chaꞌan ti caj chʌncol bʌ i pensaliñob i mul.

¹⁹Miꞌ tyaj cabʌl wocol jini tyojoꞌ bʌ. Pero lac Yum mi yʌcꞌ ti cojlel ti pejtyelel i wocol.

²⁰Miꞌ cʌñʌtyʌben pejtyel i bʌquel. Machꞌan mi xujlel mi juntsꞌijtic.

²¹Jini simaron bʌ mi quej i yubin cabʌl wocol Jini muꞌ bʌ i tsꞌaꞌleñob jini tyoj bʌ mi quej i xotꞌob i mul.

²²Lac Yum mi quej i mʌñob loqꞌuel ti mulil i yajtoñelob chaꞌan mi yʌcꞌob ti cojlel, Machꞌan mi quej i yʌjqꞌuelob ti xotꞌ mulil jini muꞌ bʌ i tyajob i cotyʌntyel ti lac Yum.