Salmos 46

1

2

8

19

22

23

34

37

40

46

51

73

90

91

95

100

102

103

117

118

121

131

135

138

139

146

150

¹Dios lac pꞌʌtyʌlelʌch baꞌ mi lac majlel ti putsꞌel. Wʌꞌʌch an la quicꞌot chaꞌan i cotyañonla cheꞌ an wocol bʌ.

²Jin chaꞌan aunque jini mulawil mi nijcʌyel maꞌan lac bʌqꞌuen. Aunque mi nijcʌyel ochel wits ti xinil colem mar,

³Aunque wen cꞌam miꞌ chaꞌlen tꞌan jini witsꞌlaw bʌ jaꞌ, Aunque mi nijcʌyel wits chaꞌan ti jini jaꞌ, Machꞌan mi quejel lac chaꞌlen bʌqꞌuen.

⁴Jini río loqꞌuem bʌ baꞌan Dios Mi yʌqꞌuen cꞌajacña bʌ i yoj jini añoꞌ bʌ ti lum i chaꞌan bʌ Dios, Jini Chꞌujul bʌ Ajnibʌl i chaꞌañʌch jini Ñoj Ñuc bʌ.

⁵Dios yaꞌan ti xinil jini lum. Jin chaꞌan machꞌan mi quejel i nijcʌyel. Dios mi quej i waꞌ cotyan jini añoꞌ bʌ ti i lum cheꞌ mi sʌcꞌan.

⁶Ti ñoj michꞌʌyob yumʌlob ti mulawil. Ti chilbentiyob i yumintyel. Tyoj bʌcꞌñʌjel jini añoꞌ bʌ ti mulawil Cheꞌ ñac tiꞌ chaꞌle tꞌan Dios.

⁷Lac Yum an la quicꞌot. I Yumʌch panchan yicꞌot mulawil. I Dios Jacob jiñʌch la cajcotyaya i wenta chan bʌ tsꞌajc chaꞌan laj cʌñʌtyʌntyel.

⁸Laꞌla. Qꞌuelbenla i melbal lac Yum. Qꞌuelela bajcheꞌ tiꞌ chaꞌle jisaya wʌꞌ ti mulawil.

⁹Miꞌ lajmisan guerra tyac cꞌʌlʌ ti pejtyel mulawil. Miꞌ bicꞌti xul jini wʌn tyeꞌ, miꞌ xul jini lanza tyac: Miꞌ pulbeñob i carreta tyac muꞌ bʌ i cꞌʌñob ti guerra tyac.

¹⁰Yom ñʌchꞌʌletla chaꞌan mi laꞌ ñaꞌtyan joñon Dioson. Mi quej i qꞌueloñob ti ñuc añoꞌ bʌ ti pañimil tyac. Mi quej c ñuc isʌntyel ti mulawil, cheꞌen.

¹¹I Yum panchan yicꞌot mulawil an la quicꞌot. I Dios Jacob jiñʌch la cajcotyaya i wenta chan bʌ tsꞌajc chaꞌan laj cʌñʌtyʌntyel.