Salmos 8

1

2

8

19

22

23

34

37

40

46

51

73

90

91

95

100

102

103

117

118

121

131

135

138

139

146

150

¹Lojon c Yum Dios, ñoj ñuc a cꞌabaꞌ ti pejtyelel mulawil. Tsaꞌix a pʌsʌ a ñuclel ti chan.

²Maꞌ cꞌʌmben i tꞌan alpꞌeñalob chaꞌan maꞌ tsictisan a ñuclel. Chaꞌan mi ñʌchꞌelob a contrajob yicꞌot jini yomoꞌ bʌ i qꞌuextyan simaronlel.

³Cheꞌ mij qꞌuel jini chan tsaꞌ bʌ a mele ti yal a cꞌʌb Yicꞌot jini uw yicꞌot ecꞌ tyac tsaꞌ bʌ a mele,

⁴Mic pensalin: ¿Chutyoquiyes quixtyañu chaꞌan maꞌ cꞌajtisañon lojon como quixtyañujon jach lojon? ¿Chutyoquiyes quixtyañu chaꞌan maꞌ pensaliñon lojon como quixtyañujon jach lojon?

⁵Poj jumucꞌ jach yubil ti a wʌqꞌue quixtyañujob chaꞌan machꞌan miꞌ tyajob i pꞌisol i ñuclel ajtroñelob a chaꞌan chꞌoyol bʌ ti panchan. Pero wale tsaꞌix a wʌcꞌʌ ti tsictiyel i ñuclel quixtyañujob. Tsaꞌix a subeyob i ñuclel. Tsaꞌix a wʌqꞌue tiꞌ wenta quixtyañujob ti pejtyelel chʌ bʌ tyac jach ti a mele.

⁶Tsaꞌix a wʌqꞌueyob tiꞌ wenta quixtyañu ti pejtyelel chʌ bʌ an tyac. Ti a wʌqꞌueyob i yumintyel ti tyojlel pejtyelel a melbal.

⁷Pejtyel tiñʌmeꞌ yicꞌot wacax yicꞌot maꞌtyeꞌlel animal tyac.

⁸Yicꞌot xmaꞌtyeꞌ mut yicꞌot chʌy, yicꞌot pejtyelel chʌ bʌ tyac muꞌ bʌ ti xʌmbal ti colem jaꞌ.

⁹Lojon c Yum Dios, ñoj ñuc a cꞌabaꞌ ti pejtyelel mulawil.