SALMOS 89:40-50

⁴⁰Tijcahuili tocualancaitacahua ma quihuelonica nopa tepamitl catli yahualtic quitzacuayaya toaltepe. Huan quitlamisosolojque nopa calme catli huejcapantique campa timomanahuiyayaj.

⁴¹Nochi catli panoj nopona quiichtequij catli inijuanti quinequij. Huan nopa masehualme catli itztoque tonechca san techhuetzquilíaj.

⁴²Tiquinfuerzajmacatoc tocualancaitacahua, huan tiquinchijtoc ma paquica pampa techtlantoque.

⁴³Tijquixtili itlatequiyo tomachete catli ica titlahuilanayayaj, huan amo tijnejqui techpalehuis para ma titlatlanica.

⁴⁴Techquixtili noyejyejca huan tijtlahuisojtoc hasta tlalchi notlanahuatilis.

⁴⁵Techchijtoc ma nitlatochuehuejtiya huan techpinahualtijtoc iniixpa nochi masehualme.

⁴⁶TOTECO, ¿hasta quema tlamis ticualantos? ¿Hasta quema noja timotlatijtos tlen tojuanti? ¿Atlac para nochipa mohueyi cualancayo eltos quen tlitl?

⁴⁷¡Toteco, xiquelnamiqui para tonemilis amo huejcahuas ipan ni tlaltipactli! ¿Atlac amo tleno ipati nopa nemilistli catli tiquinmacatoc nochi masehualme?

⁴⁸Niyon se masehuali amo huelis itztos para nochipa. ¡Nochi miquise! ¿Ajqueya huelis quimanahuis inemilis imaco miquilistli?

⁴⁹NoTeco Dios, ¿canque eltoc motlaicnelilis tlen huejcaya? ¿Para tlen ayacmo tijpiya hueyi moyolo ica tojuanti? Ta tiToteco catli titemachtli, tijtlajtolcahuili David para melahuac amo quema techtlahuelcahuas.

⁵⁰TOTECO, xijtlachili quenicatza nochi masehualme techcualancaitaj tojuanti timomasehualhua.