SALMOS 78:21-24

²¹Huan quema TOTECO quicajqui ni tlamantli, tlahuel cualanqui. Huan ipan icualancayo quisqui tlitl ica israelitame, inijuanti catli iixhuihua Israel,

²²pampa inijuanti amo quineltocaque Toteco Dios, niyon amo motemachijque ipan ya para quipiya chicahualistli para quinmaquixtis.

²³Pero masque quej nopa quichijque, Toteco Dios quinahuati nopa mixtli huan quitlapo ilhuicactli.

²⁴Huan quichijqui ma huetzi nopa tlacualistli catli itoca maná para ma quicuaca quen quema huetzi atl. Quinmacac tlacualistli catli hualajqui tlen ilhuicac.