SALMOS 73:24-28

²⁴Huan nijmati para motlamachtil quisenhuiquilis nechyacanas ipan nochi nonemilis. Huan teipa, quema nimiquis, techselis nepa mochaj campa tlayejyectzi.

²⁵Amo aqui seyoc nijpiya nepa ilhuicac. ¡San ta, tinoTeco Dios! ¡Huan san ta nimitznequi ipan ni tlaltipactli huan amo aqui más!

²⁶Quemantic nimococohua huan nimotequipachohua. ¡Pero Toteco Dios yaya mocahua para nochipa! Yaya quifuerzajmaca noyolo huan san yaya noaxca para nochipa.

²⁷Pero Toteco quintzontlamiltis nochi catli amo quinequij quihueyichihuase. Quena, yaya quintzontlamiltía nochi catli quitlahuelcahuaj.

²⁸Pero na achi más nimonechcahuis campa Toteco Dios, pampa ya nopa catli más cuali para na. San ipan TOTECO nimotemachijtoc pampa yaya noTeco. Huan niquinpohuilis nochime nochi nopa yejyectzi tlamantli catli yaya nechchihuilía.