GWAY GI IDAWUU’D 73:24-28

²⁴/E ki shu aha/ bway ki gwom pini jin logomkina /e mo dhali yan’ko’d /e mini bu’th aha/ mmotaḵ mo.

²⁵Kaja a’di itaka/ e momis mo? Hili diki ta jasi /eya? Dhali to p̱iyi’d e mony’cesh yan mo mmo/oka/ bwa mo mmodhal /e ka p̱o/ mo.

²⁶Buŋgwar is pem dhala dum pem mini ’taki ush me’d mo tani hili Arumgimis a’di ta’da Man’bitha dum pem is mo dhali Amanpwaḵ ki aha/ to jin miga/ ta ki sule/ sule/ mo.

²⁷Haali/ hili mo mo ma, uni gwansan kun si’dkin ’peni /e mo tani minu ’ce’d sho’k mo be. /E ki kar mo jin daḵu gwo ’kup̱ mo gom uni gwansan kun ṯori gwon thus ap̱o/ /e mo.

²⁸Hili gom aha/ mo tani a’di ’boro’d jin miga/ ’disha Arumgimis is mo. Aha/ karkina Tap̱a Arumgimis mo mmota a’di jin hurga/ jwa icine/ mo, ki aha/ mina ṯora ris miim pini mo.