SALMOS 73:13-24

¹³¡Amo tleno nechpalehuía para nijpiya noyolo tlapajpactli, huan san tlapic nimocuatotonía para amo nijchihuas tlajtlacoli!

¹⁴Pampa nochi se tonal nechtlatzacuiltíaj huan nechtlaijiyohuiltíaj sesen ijnaloc.

¹⁵Sintla nicamanaltitosquía quen inijuanti, huajca niquincajcayajtosquía nochi momasehualhua.

¹⁶Quema nijnejqui nijmachili para tlen itztoque cuali nopa masehualme catli quicualancaitaj Toteco, elqui tlahuel ohui para nijmachilis.

¹⁷Pero se tonal nicalajqui ipan motiopa, Toteco Dios, para nimonejnehuilis tlen nopa tlamantli, huan huajca nijmachili tlaque quinchiya.

¹⁸Tiquintlalijtoc ipan se ojtli catli tlahuel alaxtic. Quema tiquincuatopehuas, huajca nimantzi huetzise ipan se hueyi ostotl huan nopona tzontlamise.

¹⁹Quena, ica se tlatoctzi tlamis nochi ininpaquilis. Huan itztose ipan majmajtli para nochipa.

²⁰¡Nochi ininnemilis eltoc quen se temictli! Quena, quen quema se cochtoc huan isatiquisas, Toteco, quej nopa quema timotlananas huan tiquinhuejcamajcahuas.

²¹Quema niquitac ya ni, nelía tlahuel nicualanqui huan hasta nechcocohuayaya noyolo.

²²Pampa niquitac para tlahuel nihuihuitic nieltoya. ¡Hasta ninesiyaya moixpa quen se nitlapiyali catli amo quipiya itlalnamiquilis!

²³Pero masque ya ni nopantic, nochipa niitztoc mohuaya ta, Toteco, huan techitzquijtoc ipan nomanejmac.

²⁴Huan nijmati para motlamachtil quisenhuiquilis nechyacanas ipan nochi nonemilis. Huan teipa, quema nimiquis, techselis nepa mochaj campa tlayejyectzi.