SALMOS 6:1-9

¹TOTECO, amo techajhua quema ticualani. Amo techtlatzacuilti quema tlahuel ticualantoc.

²Techtlasojtla, pampa nimococohua. TOTECO, techchicahua, pampa tlahuel nechcocohua nochi notlacayo.

³Nihuihuipica ica majmajtli huan amo nijmati tlaque nijchihuas. Huan ta TOTECO, ¿hasta quema tihualas para techtlananas?

⁴Xihuala, TOTECO, techmanahuiqui para amo nimiquis. Techmaquixti pampa tlahuel techicnelía.

⁵Amo aqui catli mictoc huelis mitzelnamiquis. ¿Ajqueya huelis mitzhueyichihuas sintla mictoc huan ya quitlalpachojtoque?

⁶Ya tlanqui nofuerza ica choquistli. Sesen yohuali nichoca miyac hasta nijtlamixolonía notzonteto.

⁷Nichocatoc miyac hasta nechcocohua noixteyol huan ayacmo hueli nitlachiya. Quena, nichoca quema nimoilhuía catli nocualancaitacahua nechchihuilijtoque.

⁸Techtlalcahuica, tlajtlacolchijca masehualme, pampa TOTECO quicactoc quen nichoca.

⁹Yaya quicactoc catli nijtlajtlanijtoc, huan quiselijtoc nonetlatlajtilis.