SALAMO 6:1-9

¹Iehova e, emu badu ai basio gwau henigu, emu badu ḡaragarana ai basio hahisigu.

²Iehova e, a bogagu hisi, badina be na manokamu; Iehova e, a hamaurigu, badina be turiagu e hisihisimu.

³Laumagu danu e hisihisi badamu; Iehova e, ela bona edena nega?

⁴Iehova e, a gini kerehai, lau laumagu ba hamauria, emu hebogahisi dainai ba hamaurigu;

⁵badina be mase ai tau ta ese basine lalomu tao; mase taudia edia gabu ai daika ese baine imodaimu?

⁶Ḡanaḡana ai na hesikumu, hanuaboi iboudiai egu mahuta gabuna ai na tai noho egu mahuta gedana na iruru-matagu ai e pariparumu.

⁷Matagu na e valahu-valahumu, egu lalo-hisihisi dainai, egu roharoha e manokamu, inaigu loḡora iboudiai daidiai.

⁸Kara havara taumui iboumui ai, egu amo a raka oho, badina be Iehova ese egu taitai reḡena vada e kamonai.

⁹Iehova ese egu noinoi vada e kamonai, Iehova ese egu ḡuriḡuri e abia daemu.