GWAY GI IDAWUU’D 6:1-9

¹Ayy Tap̱a, dhalku/ ki ḵucur aha/ ka nyor pini mo, walla dor aha/ ka nyor pini jin ’batha’ba’th mo.

²Miiyi mii ma ’the gom aha/ mo, ayy Tap̱a, haali/ aha/ ’dushura ki ’dushur mo. Ayy Tap̱a, wac̱i/ aha/ mo, haali/ arisa simam pem ṯocu bwa mo.

³Aḵashiram pem si’da/ a’di puru/ ki monṯo’c bwa mo. Hili /e, ayy Tap̱a – kakasja sa/?

⁴Ṯuki mo, ayy Tap̱a, tayi mondiki/em pem is ki me’d mo, ’cuḵi aha/ mo gom gway gi mo/en pini jin ṯelki sho’k mo.

⁵Haali/ e mowu mo tani moŋkamu/ yisa di’da jin kanu /e e mo. E mo ma Haawiya mo tani aja si’da/ imidi c̱i /e momaŋ mo?

⁶Aha/ ’thabula is mo gom is pem jin shunki aha/ mo, aris mon’thinyi ’baar mo aha/ up̱a cim pem ki jabu’th mo. Aha/ c̱orosa/ ki c̱oros ap̱owa cim pem mo ki jabu’th pem jin gwoka/ mo.

⁷Em pem c̱a’bki reŋ reŋ mo gom monyjwakaṯ pem mo, a’di warki’d ki moŋ’ka’d is mo haala ris ’kup̱ pem tana ris ka ris mo.

⁸Iiku/ ’peni aha/ mo, aris um gun miiki tonthus mo, haali/ Tap̱a a’di ciḵki cuuwa/ gi kom pem mo.

⁹Tap̱a ciḵki aha/ ko gom mo ma di’b is mo. Tap̱a bu’thki mo ma ’thom pem mo be.