SALMOS 48:4-13

⁴Tlanahuatiani tlen campa hueli itztoque ipan ni tlaltipactli mosentilijque para san sejco quihuilanase nopa altepetl.

⁵Pero quema quiitaj ajqueya quimocuitlahuía nopa altepetl huan para nelía hueyi ichicahualis, momajmatíaj. Huan nimantzi cholojtehuaj huan mocuepaj campa hualajtoque.

⁶Quena, quinitzquía se majmajtli huan nelía tlaijiyohuíaj, quen se sihuatl quema conepiya,

⁷o quen se ajacatl chicahuac catli quinsosolohua nopa huejhueyi barcos catli hualahuij tlali Tarsis.

⁸Ipa tijcactoque quenicatza TOTECO quimocuitlahuía ialtepe, huan ama tiquitztoque. Quena, nopona itztoc TOTECO Catli Quinyacana Itequihuajcahua Ma Tlahuilanatij. Quitlalijtoc para ialtepe Jerusalén ma huejcahuas para nochipa.

⁹Toteco Dios, quema tiitztoque ipan motiopa, tiquelnamiquij huan timonejnehuilíaj quenicatza techicnelía.

¹⁰Toteco, campa hueli masehualme mitzpaquilismacaj, pampa quicactoque quenicatza mohueyitilis. Quicactoque hasta campa ontlami tlaltipactli. Huan quimatij para ica mohueyi chicahualis titetlajtolsencahua xitlahuac.

¹¹Huajca ma paquica nopa masehualme ipan tepetl Sion. Ma huitonica ica paquilistli nochi catli ehuaj ipan altepeme tlen tlali Judá pampa cuali huan xitlahuac titetlajtolsencahua.

¹²Nochi amojuanti catli animasehualhua Toteco Dios, xiyaca xijyahualotij nopa altepetl Jerusalén, huan xijpohuaca quesqui tepancali huejhueyi quipiya campa soldados tlamocuitlahuíaj.

¹³Xijtlachilitij nopa hueyi ichaj nopa tlanahuatijquetl, huan ximomacaca cuenta quenicatza tlatzajtzactoque huan quiyectlalijtoque, para quej nopa huelis anquinpohuilijtiyase amoteipan ixhuihua.