SALMOS 31:1-6

¹TOTECO, ipan ta nimotemachijtoc. Amo quema xiquincahuili sequinoc ma nechpinahualtica. Techmanahui ta catli nochipa tijchihua catli xitlahuac.

²TOTECO, ximoechcapano para techtlacaquilis. Techmanahuiqui nimantzi. Techcahuili ma nimotlati mopan ta. Na niitztos momaco para techmanahuis.

³Ipan ta nimotemachía para techpalehuis. Quena, ipan ta niitztoc ica temachili. Techyacantinemi para nochi ma mitzhueyitlalica más.

⁴Ta tinotlamocuitlahuijca, techmaquixti tlen ni tlaquetztli catli nocualancaitacahua quitlatijtoque ipan noojhui para nechmasiltise.

⁵Nimitzmactilía notonal momaco. Techmanahui, TOTECO, ta tinopa Dios catli titemachtli.

⁶Niquincualancaita nochi catli quinhueyichihuaj teteyome, pampa teteyome amo tleno hueli quichihuaj. Pero na nimotemachijtoc ipan ta, TOTECO.