SALAMO 31:1-6

¹Lohiabada e, lau ese oi lau abidadama henia noho. Unai dainai lau do oi durua, vadaeni lau idia hadikaia gwauraia taudia, ese lau do idia hamorua lasi. Lohiabada e, oi be kara maoromaoro Diravana. Unai dainai oi ese lau do oi hamauria.

²Lohiabada e, lau dekenai do oi kamonai. Oi mai haraga, lau do oi hamauria! Egu Nadi Badana do oi lao momokani. Egu kohoro danu do oi lao, lau do oi hamauria totona.

³Oi be egu Nadi Badana bona egu kohoro dainai, oi ese lau do oi hakaua, bona gimaia, oiemu gwauhamata hegeregerena.

⁴Tau haida ese lau abia totona, tarapu idia atoa hegaegae vadaeni. Inai tarapu dekena amo, lau do oi kokia, badina oi be egu hunia gabu aukana.

⁵Egu lauma be oiemu imana dekenai lau atoa inai. Lohiabada e, oi ese lau do oi hamauria, badina oi be kara momokani ena Dirava.

⁶Dirava koikoi edia laulau idia tomadiho henia taudia, be oi ese oi badu henia noho, to lau ese oi lau abidadama henia noho.