SALAMO 31:1-6

¹Iehova e, lau oi na abidadama henimumu; hemarai na nega idoinai basine abigu, emu kara maoromaoro ai ba hamaurigu!

²Ame igo diho, a hakala henigu, ba hamaurigu haraḡa-haraḡa! Egu komu nadina ai baola, egu kohoro ai baola, ihamaurigu totona.

³Oibe, oi na egu nadi-gini bona egu kohoro; oi ladamu dainai ba gunalaigu bona ba hakaugu;

⁴iabigu totona e otoa huona amo ba hamaurigu, badina be egu maḡu na oi.

⁵Laumagu na oi imamu ai na atoamu; Iehova e, heabi-dae Diravana e, oi ese vada o hamaurigu.

⁶Dirava koikoidia laulaudia e badinadiamu taudia na inai henidiamu; a Iehova na abidadama heniamu.