SALMOS 27:6-11

⁶Quena, nechhueyitlalis iniixpa nocualancaitacahua. Yeca na nijtencahuas tlacajcahualistli ipan icaltiopa, huan nicuatzajtzis ica paquilistli. Nihuicas huan nitlatzotzonas para nijpaquilismacas TOTECO.

⁷TOTECO, techtlacaquili pampa nimitznojnotza. Xijpiya hueyi moyolo noca na, huan technanquili.

⁸TOTECO, quema techilhuía: “Techcamanalhuiqui”, na nimitznanquilía: “Nimitzcamanalhuiti”.

⁹¡Amo techcuanetlatili! ¡Amo techhuejcamajcahua pampa ticualantoc nohuaya! San ta catli techpalehuía, noTeco Dios, ta catli tinotemaquixtijca. Amo techiyocacahua, niyon amo techcajtehua noseltzi.

¹⁰Masque notata huan nonana nechtlahuelcahuase, TOTECO, ta nochipa techmocuitlahuis.

¹¹TOTECO, technextili catli tijnequi ma nijchihua. Techyacana san ipan nopa ojtli cuali campa tijnequi ma ninejnemi, pampa nocualancaitacahua nechyahualohuaj.