SALMOS 126:1-6

¹Quema TOTECO sempa quinhualicase ipan Jerusalén nochi imasehualhua catli tetequipanohuaj ipan sequinoc tlalme, elis quen tijtemiquij.

²¡Nelía tihuetzcase huan tihuicase ica paquilistli! Huan nopa masehualme tlen sequinoc tlalme quiijtose: “¡Dios quichijtoc huejhueyi tlamantli para nopa israelitame!”

³Quena, nelía melahuac TOTECO techchihuilis huejhueyi tlamantli. ¡Ma tipaquica!

⁴TOTECO, sempa techmacas tlamantli catli cuali quen tijpixtoyaj achtihuiya. Quena, quen nopa hueyame catli ajsi ipan nopa huactoc tlali huan quiyancuilía, quej nopa xijyancuili tonemilis, TOTECO.

⁵Catli tocaj ica choquistli, ica paquilistli pixcase.

⁶Quena, masque chocatiyase quema quitoctiyase ininxinach, pero quema pixcatij huicatihualase ica paquilistli pampa ya quihualicase catli quipixcatose.