SAM 126:1-6

¹Aminu kunduta kauutde pewan maikumang. Siwan ngana tapduu Buyambam tapata Saion gatu ninipakapbut kopatangu ninda anzing natapbumang. Mia moo ba kaamang ngang natapbumang.

²Unzingge ninda minu kumzang mikumang. Mike kap taiyuuk kumzang bakngakumang. Siwan katum aminu kepna kepna nana aminda kake anzing yaking, “Buyambam tapata Isrel nana gatayamunangge puya buyambam siknga tasikut,” ngang yaking.

³Siakande siknga. Buyambam tapata nin gatanimunangge puya buyambam siknga tasikut. Unzingge ninu musip gwaang siknga nataamang.

⁴Buyambam tapa, gata ninu tupa yukumang binga apman kaya ina unzakan yutnimde gata gatanimuyo. Sike wa unzing gapma zongaatang nana wawaa siwan ngana keu waomune yangga apaapa akoke zipmake kukaing binga siyok.

⁵Sike aminu kwanamna siyuuk nanam zak kwainingu, waakwau damana gwa siningu kuku apbakngake pakapuyuuk kap taining.

⁶Siakande siknga. Aminu kwanamna siyuuk nanam zaknga utnake kwaiwiu, masande nanamu damana gwa siningu kuku utnake ataibakngayuuk pakapik.