1Min yomparr-r ith pam kaarp wakm kuuk pelnan pam raak warr-kak; Iiwurr nangunp kaarp thanm kulam-thaaw pam raak warr-kokonak; Iiiwurr niinhin kaarp ith ninh thang-kangkar-nanr.
2Pam ith nul mang-mangal minch nangun Raak-warram nangnma Pam Porkam. Ngul nul raak mangk minch min ngeem ngurnturnthurr miing.
3Nul kar yuk niinanirr thaapirri kar ngok miinthin, May yuk punth koo-yermperr raak karrtham, Iiwurr riingkaal kaarp warramr; Mit mong-thak nangn-man nul min yomparr-r.
4Pam warr yorrp kaarp, Kar may petn yarra puunuth puukr pelnan.
5Yarr i'i pam warr nangunp kaarp than, Ith pelnan koo-thakarr ko'orr; Iiwurr pam raak warr-kak nangunp Kaarp thaakokon thunprr pelnungun pam kuk-kunanpak; Ngul peln kulam-n pam warr peln wonp.
