SALMO 2:1-9

¹Sukaman yuyani: ¿Imapatí Tata Diosta mana kasuk runakuna turbakunsapa? ¿Imapatí mana valekkunata yuyaykunsapa rurayta?

²Tukuy allpapi sinchi kamachikukkuna awtoridarkuna Tata Diosta mana kasunayansapachu. Chashna mana kasunayashpankuna Tata Dios akllashkan sinchi kamachikukwan makanakuk tantanakunsapa.

³Tantanakushpa kaparishpa rimansapa: “Akuychi Tata Dios akllashkan kamachikuk runawan makanakuk. Akuychi paymanta kishpichinakuk amana kamachiwananchikunapana.”

⁴Chashna rimaptinkuna sielupi kawsak Tata Dios paykunata asichinsapa.

⁵Chaymanta Tata Dios rabyakushpa manchachinsapa. Sinchita piñakushpa willansapa:

⁶“Ñukami akllashkayni Sion urkupi sinchi kamachikukta churashkani tukuy layata kamachinanpa.”

⁷Kunanka ñuka willaykichi Tata Dios munananta. Payka willawashka: “Kanka wambraynimi kanki. Kantami churashkayki sinchi kamachikuk kanaykipa.

⁸Chayrayku tukuy llaktakunata mañaway. Ñukami allpa kuchun mañanta kushkayki chaypi kamachikunaykipa.

⁹Sinchi kamachikuk kashpayki suk runakuna mana kasushunayaptinkuna kastigankisapa. Yerumanta ruradu varawan metomanta ruradu ollata pakikshina paykunata kastigankisapa.”