SALMO 119

1

2

3

4

5

6

7

8

10

11

19

23

27

34

37

46

51

53

55

61

73

100

104

119

121

133

139

⁹A, Tata Dios ¿imashnatí wayna runa atipanman mana uchallikushpa kawsayta? Waynaka rimanaykita kasushpa mana uchallikushpa kawsanka.

¹⁰Ñuka tukuy shunku yanapawanaykipa munani. Yanapaway kamachikunaykikunata kasushpa kawsanaynipa.

¹¹Tukuy rimanaykitami tukuy shunku allita kasushkani ama uchallikushpa kanta rabyachinaynipa.

¹²A, Tata Dios, kanta sukaman alabayki. Kamachikunaykikunata yachachiway.

¹³Tukuy yachachiwanaykita ñukapish runamasinikunata parlachisha.

¹⁴Aypa imakuna tiyapaptin kushikunaynimanta rimanaykita kasushpayni ashwanta kushikusha.

¹⁵Tukuy rimanaykita yuyashpa kawsasha. Chayta yuyashpa allita rurashpa kawsashpayni ñannikipi purisha.

¹⁶Rimanaykita yachashpayni sukaman kushikusha. Mana kutin kunkashachu.

⁹⁷A, Tata Dios, sukaman yachachiwashkaykita kuyani. Tukuy diya chayta yuyashpa chishyani.

⁹⁸Tukuy kamachikunaykikunata ñami yachanina. Rimanaykika chikniwak runakunamanta ashwan alli yachaktami rurawashka.

⁹⁹Kamachikunaykikunata yuyashpa kawsashpayni rimanaykita yachachiwak runakunamanta ashwan allita entiendini.

¹⁰⁰Rimanaykita kasushpa kawsashpayni kamachikuk ansianukunamanta ashwan allita entiendini.

¹⁰¹Tukuy mana alli ruranakunatami sakishkani rimanaykita kasushpa kawsanaynipa.

¹⁰²Rimanaykita kan yachachiwaptiki mana chaykunata sakishkanichu.

¹⁰³Rimanaykipi willawanki yanapawanaykipa. Rimanayki ñukñushina allimami. Chayrayku ñukñumanta ashwanta rimanaykita munani.

¹⁰⁴Rimanaykimi tukuy alli ruranakunata yachachiwashka. Chayrayku chay mana alli ruranakunata manana munaninachu rurayta.

¹⁰⁵Rimanaykika allima lamparashinami purinayni ñanpi allima lusshina.