SALMO 55

1

2

3

4

5

6

7

8

10

11

19

23

27

34

37

46

51

53

55

61

73

100

104

119

121

133

139

¹A, Tatayni Dios, roygaptini uyariway. Ama nimatashina royganaynita uyariychu.

²A, Tata Dios, uyariwashpa yanapaway. Llakishpayni roygayki. Chikniwak runakuna rimakuptinkuna mana alli rurak runakuna kaparikuptinkuna uyarishpa sukaman manchakuni. Paykunaka chikniwashpa sufrichiwansapa. Sukaman piñakushpa makawanayansapa.

⁴Chayta kawashpa manchakuptini shunkuyni sinchita waktanakun. Wañuchiwanankunata yuyashpa sukaman manchakuni.

⁵Chashna sukaman manchakushpayni chukchukuykani.

⁶Chayta yuyashpa rimani: ¿Imapatí mana urpayshina rikrayuk kani? Rikrayuk kashpaynika nitikushpa pawayman samak rinaynipa.

⁷Pawashpayni karuta riyman. Chakidu pampapi kipariyman chaypi kawsanaynipa.

⁸Chikniwak runakuna sinchita sufrichiwaptinkuna Tata Diosta sukaman mañasha sinchi wayramantashina amachawananpa.

¹²Manami chikniwak runachu sufrichiwashka. Chikniwak runa sufrichiwaptinka mana nimachu kanman. Sufrichiwak runamanta ñukaka pakakuyman.

¹³Chay sufrichiwak runaka kuyanakushpa purikmasinimi kashka.

¹⁴Paywanmi Tata Diospa wasinpi yaykushpaynikuna parlak kanisapa. Paywanmi kushikushpa aypa runakunapa chawpinkunapi purik kanisapa.

¹⁵Tukuy chikniwak runakuna mana yuyashkankuna oras wañuchunsapa. Mana alli rurak kashpankuna raslla wañuchunsapa.

¹⁶Ñuka sufrishpayni Tata Diostami roygasha. Roygaptini yanapawanka.

¹⁷Pakarinanta chishita tutata wakaptini Tata Dios llakichiwashpa yanapawanka.

¹⁸Chikniwak runakunawan makanakuptini ama wañuchiwanankunapa Tata Dios yanapawanka. Paykuna aypa kaptinkunapish yanapawanka.

¹⁹Paykuna mana Tata Diosta manchashpa mana allikunallata rurashpa kawsansapa. Chayrayku mana tukuyniyukta sinchi kamachikuk Tata Dios chikniwak runakunata kastigashpa upallayachinka.

²⁰Paykunaka kuyanakukmasinkunawan makanakunsapa. Allimata kawsanankunapa parlashkankunawasha kunkashpa chikninakunsapa.

²¹Mishki shimi tukushpa parlansapa. Chashna parlashpankunapish makanakuyllata yuyansapa. Mishki shimi tukushpa parlashpankunapish chikninakushpalla kawsansapa.

²²Akuychi tukuy yuyananchikunata Tata Diosta willaypachi. Chashna willaptinchikuna payka yanapawashunchisapa allillata rurashpa kawsananchikunapa. Tata Diosta kasuptinchikuna payka yanapawanchisapa ama uchallikunanchikunapa.

²³A, Tata Diosnini, wañuchikuk llullakuk runakuna mana unaytachu kawsankasapa. Paykunata kulluchinkisapa. Chashnapish kaptin ñukaka yachani yanapawanaykita.