A Umana Kakailai 2:1-9

¹Upi ra ava ra umana Tematana dia urung, Ma ra lavur tarai dia nuknuk ra magit vakuku?

²A umana king mati ra pia dia tut na vinarubu, Ma ra lavur luluai dia kiki vung varbat Ure ra Luluai ma nina i ga pilak pa ia; dia biti:

³Dat a al kutu kadir umana vivi, Ma dat a vue kadir lavur vinau kan dat.

⁴Nina i ki ra bala na bakut na nongon ika, A Luluai na kulume diat.

⁵Namur na tata pire diat ta kana kulot, Ma na vapurpuruan diat ta kana karvuvu.

⁶Ma iau tar vaki kaugu king arama Sion kaugu luana gomgom.

⁷Ina vaarike ra varkurai; A Luluai i ga biti tagu dari: U natugu; Gori iau tar vangala u, Una lul iau,

⁸Ma ina tibe tar ra lavur Tematana tam, Ma kaum ra lavur ngungu na rakarakan a gunagunan aro iat.

⁹Una puar diat ma ra buka na palariam, Una pamar gigi diat da ra la na pia.