Miti Mânec 2:1-9

¹Qâpuc jaŋe wemocte jufâfânâŋ eeŋgopieŋ, â ŋicne ŋicne jaŋe dâŋ racne mana biric eeŋgopieŋ?

²Wofuŋ â Mesia‐ticne râsi ejacteniŋte, mâreŋ ŋicwofuŋ jaŋe meo roroc eeŋgopieŋ, â ŋicbomboŋ jaŋe ââte sanaŋ ehuc mueŋgopieŋ:

³“Kâpâcwâru‐jekic hezupene wahaoc, niŋgiŋ‐jekic hetâcnepene rârieoc.”

⁴Sambâŋko ŋeekaczi gâwiekac, Wofuŋzi honec‐jopahuc mu âke sisic ejareekac.

⁵Erâ ine mana gâpâre‐jarehuc jazaocmu, kimbeŋko hâhâwic hejarehuc ʒiŋuc muocmu:

⁶“Noni hâcne ŋicwofuŋ‐nane âkendâŋnepo, Zioŋko, nahacne tiri tikio.”

⁷Wofuŋte mumupaŋ musokape. E ʒiŋuc nazawec: “Go ŋokâ‐nane, go hâcne miŋecgac bâfuacgukopac.

⁸Numu‐naretec ŋicne ŋicne biŋe qagarepe, mâreŋ qaŋeŋne rauckecmurâ qikiŋne‐garepe.

⁹Goki aeŋ ɋaruczi qazuc‐jopazemec, afezi kuʒi bakicne iŋucne qanʒaŋ‐jopazemec.”