Pesalem 2:1-9

¹Lau samuc sêli aweŋ sa kêtu asageŋŋa, ma tenteŋlatui sêkic biŋ ŋaôma-ŋaôma nec ŋam amboac ondoc.

²Kiŋ nomŋa sêkac tauŋ sa, ma gôliŋwaga sêkic biŋ sêwiŋ tauŋ sebe senseŋ Anôtô agêc nê ŋac, taŋ geŋ oso eŋ naŋ.

³Êsêac sêsôm gebe “Tamô êsêacnêŋ lakô êŋgic ma tambaliŋ êsêacnêŋ lêpoa, taŋ kêgi aêac auc, naŋ siŋ.”

⁴Apômtau, taŋ gêŋgôŋ lêpôŋ aŋga undambê naŋ, kaômac ma kêsu êsêac susu.

⁵Go kêsôm biŋ gêdêŋ êsêac totêtac ŋandaŋgeŋ ma eŋ têtac kêmoatiŋ tôŋ kêtakê êsêac gebe

⁶“Aê tauc kakêŋ ŋoc kiŋ gêŋgôŋ ŋoc lôc dabuŋ Sion.”

⁷“Aê gabe jasôm biŋ, taŋ Apômtau taê gêjam naŋ, lasê acgom. Eŋ kêsôm gêdêŋ aê gebe ‘Aêŋoc latuc aôm, ocsalô tonec aê katu aôm tamam.

⁸Oteŋ aê, go jakêŋ lau samuc têtu nêm gêŋlênsêm ma jakêŋ nom samucgeŋ êtu nêm gamêŋ.

⁹Aôm oc ônam gôliŋ êsêac ŋa tôcki to olo êsêac êtôm selo kunom.’”