SALMO 6

1

2

3

4

5

6

7

8

10

11

19

23

27

34

37

46

51

53

55

61

73

100

104

119

121

133

139

¹A, Tata Dios, ama rabyakushpa piñayawaychu. Ama rabyakushpa kastigawaychu.

²A, Tata Dios, mana fersasyukmi mallinakuni. Chayrayku llakichiway. Tukuy kuerpuynimi chukchukun. Chayrayku alliyachiway.

³Manchakushpayni chukchukuni. A, Tata Dios, sukaman munani yanapawanaykipa.

⁴A, Tata Dios, shamuy yanapawak. Kuyawashpayki wañuymanta salvaway.

⁵Wañushpayni manana kay allpapi yuyashkaykinachu. Pampadu kashpayni manana atipashanachu alabaynikita.

⁶Chayta yuyashpa sukaman wakakushpa shaykuni. Tukuy tuta sukaman wakakuptini almadayni ñawini illiwan ñuyun.

⁷Chikniwak runakuna sufrichiwaptinkuna wakakuptini ñawini shaykushpa puyuyashka.

⁸Kankuna, mana alli rurak runakuna, ñukamanta anchuychi. Sukaman llakiptini ñami Tata Dios uyariwashkana.

⁹Oraptini Tata Dios uyariwashkana. Tukuy mañashkaynita ñami Tata Dios almitiwashkana.

¹⁰Chayrayku chikniwak runakuna pinkakushpa turbakunkasapa. Tata Dios yanapawaptin pinkakuywan raslla kallpankasapa.