SALMO 37

1

2

3

4

5

6

7

8

10

11

19

23

27

34

37

46

51

53

55

61

73

100

104

119

121

133

139

¹Runakuna mana allita ruraptinkunapish ama turbakuychu. Chay mana alli rurak runakunata kawashpa ama paykunashina kawsanayaychu.

²Chay runakunata Tata Dioska utka kastigankasapa. Kastigaptinkuna tipidu kiwashina tukunkasapa.

³Tata Dios yanapashunaykita yachashpa allita rurashpalla kawsay. Kay allpapi kawsashpaykira Tata Diosllata allita kasushpa kawsay.

⁴Payta tukuy shunku kuyashpa kawsay. Chashna payta kuyaptiki alli munanaykita almitishunki.

⁵Tata Diosta kuyashpa payta willay munananta ruranayanaykita. Chashna payta willaptiki yanapashunki.

⁶Tata Dios yanapashuptiki tukuy runakuna alli ruranaykita lustashina kawankasapa. Alli ruranaykita ruraptiki inti llipyanantashina kawankasapa paykunapish yachanankunapa allita rurashpa kawsayta.

⁷Allita rurashpa mana turbakushpa Tata Dios yanapashunanta shuyay. Suk runakuna tukuy imayuk kaptinkuna ama llakishpa rabyakuychu. Mana allita yuyaykuptinkuna ama rabyakuychu.

⁸Ama rabyakushpa piñakuychu. Ama munaychu turbakushpa mana allita rurayta.

⁹Tata Dios tukuy mana allita rurak runakunata kastigankasapa. Chaymanta Tata Dios yanapashunanta shuyaptiki payka yanapashunki.

²³Tata Dios tukuy runakunata yachachiwanchisapa. Yanapawanchisapa paypa munananta rurananchikunapa.

²⁴Mana allita ruraptinchikuna Tata Dios makinchikunamanta apiwakninchishina yanapawanchisapa ama uchallikushpa kawsananchikunapa.

²⁵Wayna kashkaynimanta ñami viejuyashkanina. Manami kawashkanichu Tata Dios alli rurak runakunata sakiptin. Paykunapa wambrankunapish mana nimata mañakushpachu kawsansapa.

²⁶Alli rurak runakuna kashpanchikuna tukuy oras llakichikushpa runamasinchikunata yanapanchisapa. Chay runakunapa wambrankunaka tukuy pita sukaman kushichinsapa.

²⁷Chayrayku mana alli rurashkaykimanta wanashpa allikunallata rurashpa kawsay. Chashnarami Tata Dios mana tukuyniyukta yanapashunki allita rurashpa kawsanaykipa.

²⁸Tata Dios alli rurak runakunata kuyansapa. Payta kasushpa kawsaptinchikuna mana sakiwanchisapachu. Chaymanta mana alli rurak runakunata kulluchin. Tukuy wambrankunatapish kulluchin.