SALMO 5

1

2

3

4

5

6

7

8

10

11

19

23

27

34

37

46

51

53

55

61

73

100

104

119

121

133

139

¹Kamachiwak Tatayni Dios, parlachiptini uyariway. Llakishpa roygaptini yanapaway. A, Tata Dios, kantami tukuy ima yuyanaynita parlachiyki.

³A, Tata Dios, unay unay parlachiptini uyariwanki. Pakarinanta ima munanaynita willayki. Chaymanta yanapawanaykipa shuyani.

⁴A, Tata Dios, runakuna mana allita ruraptinkuna sukaman piñakunki. Chayrayku mana alli rurak runakuna mana ñawpaknikipi kawsankasapachu.

⁵Kikinkunalla kreyinakuk runakuna mana ñawpaknikipi kawsankasapachu. Mana alli rurak runakunata sukaman chikninkisapa.

⁶Llullakuk runakunata kulluchinkisapa. Allipi tukushpa chiknikuk runakunata wañuchikunayak runakunata chikninkisapa.

⁷A, Tata Dios, kuyawashpa llakichiwaptiki ñuka atipani wasikipi yaykushpa tukuy shunku kuyaynikita. Akllashkayki wasikita yuyashpayni kuyayki.

⁸A, Tata Dios, alli rurak kashpayki yachachiway allita rurashpa kawsanaynipa ama chikniwak runakuna chatawanankunapa. Yanapaway allita rurashpa alli ñanta purikshina kawsanaynipa.

⁹Chay chikniwak runakuna tukuy tiempu llullata rimansapa. Tukuy shunku mana allita yuyashpalla kawsansapa. Chashna sukaman uchasapa kashpankuna kicharidu asnak sepulturashinami.

¹⁰A, Tata Dios, chay runakunata kastigaysapa tukuy mana alli yuyanankuna nimapi tukunankunapa. Uchasapa kashpankuna mana kasushunayashkankunarayku ñawpaknikimanta paykunata karkuysapa.

¹¹Ñukaykuna amachawanaykipasapa munashpaynikuna kushikunisapa. Kushikushpa kantanisapa kan, Tata Dios, amachawaptikisapa. Kanta kuyashpaynikuna kushikunisapa kan yanapawaptikisapa.

¹²Allita rurashpa kawsaptinikuna kan, Tata Dios, yanapawankisapa. Yanapawashpaykisapa suk arkanashina amachawankisapa.