SAAMUNƆ 32:1-8

¹Dauda lɛ̀. Aubarikadeen gbɛ̃ kɛ̀ Luda pↄ́ kù à taarinↄla à à durunnↄ kɛ̃̀nɛ ũ.

²Aubarikadeen gbɛ̃ kɛ̀ Dii è à durun yã daroo ũ, bensↄ̃ mↄnafiki kú à nↄ̀sɛ guuro.

³Kɛ̀ ma yĩtɛ kↄ̃n ma durun-o, ma yãyã, ma wiii ègↄ̃ dↄ zaa kↄngↄ ai uusiɛ.

⁴N ↄ tↄ̃̀ma fãantɛ̃ kↄ̃n gwãavĩo, ma gbãaa yã̀a lán guwãagurↄ ↄfãntɛ̃ bé à ma lɛɛ bà.

⁵Ben ma wennɛ ma durunzi, mɛ́ɛ ma yã zaaa utɛnnɛ dↄro. Ma bè, mɛ́ ma taarinↄ o Diinɛ, ben à ma durun kɛ̃̀mɛ.

⁶Beee yãnzi n náanɛkɛri wɛ́ɛ kɛmma a gurↄↄazi, tó yã zĩ'ũu e mↄↄ, eé à lero.

⁷Ma utɛkiin n ũ, nɛɛ̀ ma bↄ wɛ́ɛtãmma guu, nɛɛ̀ ligamazi ǹ ma mì sí.

⁸Mɛ́ yã dannɛ mà n da zɛ́ kɛ̀ dɛ ǹ sɛ́a, mɛ́ lɛ́ damma, ma wɛ́ɛ gↄ̃ tɛ́nzi.