ZABURA 32:1-8

¹Dauda lɛ̀ɛ. Arubarikademɛ gbɛ̃ kũ Luda a taarinↄ tònɛ à a durunnanↄ kɛ̃̀nɛ ũ.

²Arubarikademɛ gbɛ̃ kũ Dikiri dì a durunna yã daro ũ, akũsↄ̃ manafiki kú à nɛ̀sɛɛ gũnlo.

³Kũ ma yĩtɛ kũ ma durunnao, ma fɛ̃fɛ̃, ma wiki dìgↄ̃ dↄ zaa kↄnkↄ ari ↄkↄsi.

⁴N ↄ dìgↄ̃ tↄ̃nama fãnantɛ̃ kũ gwãanio, ma gbãna làka lákũ guwãnagↄrↄ ifãntɛ̃ ma lɛ bà.

⁵Akũ ma wennɛ ma durunnai, mádi ma yã vãni utɛnnɛ doro. Ma pì, mani ma taarinↄ o Dikirinɛ, akũ a ma durunna kɛ̃̀mɛnɛ.

⁶Abire yãi n náanikɛri wɛ́ kɛmma a gↄrↄa, tó kisira tɛn su, ani a lero.

⁷Ma utɛkimɛ n ũ, ndì ma bo wɛ́tãmmanaa gũn, ndì likamai ǹ ma sura ba.

⁸Mani yã dannɛ mà n da zɛ́ kũ à de ǹ sɛ́a, mani lɛ́ damma, ma wɛ́ gↄ̃ tɛ́nyĩ.