SALAMO 32:1-8

¹Ena kara dika eme hegwau tao tauna be namo, ena kara havara e heḡova ahu tauna danu namo.

²Iehova ese se habadelaiamu tauna na namo, laumana na asi koikoina tauna danu namo.

³Egu kara dika asina gwauraia hedinarai negana ai, lau taugu anina na e varoda-varodava, dina idoinai na ḡanaḡanava dainai.

⁴Badina be imamu metauna na latagu ai e miava, dina ai bona hanuaboi ai danu; taugu vada e geakageaka, lahara negana ena dina ḡaraḡara ese bema raraia na heto. (Selah)

⁵Egu kara dika na vairamu ai na gwauraia hedinarai, egu kara havara na asina hunia; nato “Egu kerere baina gwaurai hedinarai Iehova vairanai”; bena oi ese egu kara dika ena metau o abia oho. (Selah)

⁶Taunabunai, helaḡa taudia iboudiai ese oi bae ḡurimu, bena hisihisi negana ai utu-utu baine utua dae, to ediai basine kau.

⁷Oi na egu komu gabuna, dika amo o hamaurigumu, bona hahemauri anedia amo o hahegeḡegu daemu. (Selah)

⁸Lau ese baina hadibamu, emu raka dalana baina hadibalaimu; lau matagu ese baine itamu tao.