Süleymanin Məsəlləri 1:26-33

²⁶Ona görə də sizin üzərinizə bəla gələndə güləcəyəm, Dəhşət sizi bürüyəndə,

²⁷Tufan kimi dəhşət sizə hücum çəkəndə, Sizə qasırğa kimi bəla gələndə, Dara, əziyyətə düşəndə istehza edəcəyəm.

²⁸O vaxt məni çağıranlara cavab verməyəcəyəm, Səylə axtarsalar da, məni tapa bilməyəcəklər.

²⁹Çünki onlar biliyə nifrət etdilər, Rəbdən qorxmaq istəmədilər,

³⁰Nəsihətimi istəmədilər, Hər məzəmmətimi rədd etdilər.

³¹Buna görə də öz yollarının bəhrəsini yeyəcəklər, Öz nəsihətləri ilə doyacaqlar.

³²Cahili özbaşınalığı öldürəcək, Axmağı laqeydliyi məhv edəcək.

³³Mənə qulaq asanlarsa əmin-amanlıqda yaşayacaq, Rahatlıq tapacaq, pislikdən qorxmayacaq».