RUUMIYA 10:8-16

⁸Hili gwo wakata okunu mo? Gwo ’dishki /e is mo, eya le’d pini mo dhali eya dum pini mo (a’di jin ta gwo gi moŋgam is jin c̱ikina aman mo be).

⁹Haali/ waḵki/ /e mini pi gwo ki ’twam pini ka Yesus ta Tap̱a mo dhali gam gwo is ka dum pini ka Arumgimis ’de’kki a’di ’peni mowu mo tani /e minu woṯẖ mo be.

¹⁰Haali/ wathi/ jin gam gwo is ka dum piti mo tani wakan a’di karu ki mo ma ḵar/e mo be. Dhali a’di jin piki gwo ki ’twam piti mo tani dhali kan, a’di woṯẖkunu mo be.

¹¹Gwo ma Arumgimis jin ’kwarkunu o gwo mo ki: Wathiŋ kamu/ ’de/ jin gamki a’di gwo is mo tani yisa minu kar ki mo ma ’the is yisa.

¹²Haali/ mo ma gwar ’de/ diki di e bwaman Wathi/ Yahuuda/ mo dhali Wathiŋ Griḵi mo. Tapa a’di ta Tap̱an ’de/ goma ris ’kwani ’baar mo dhali ta a’di jin c̱i mom piti jin tanu pa mo ap̱owa aris uni kun yuḵ a’di mo be.

¹³Haali/ aris ’kwani ka ’deṯe/ ’deṯe/ kun mini yer gway gi Tap̱a mo tani uni iminu ta is ki me’d mo be.

¹⁴Hili ’kwani mini yuḵ a’di kata mo, uni kun ’koki gam a’di gwo is mo? Dhali uni mini gam a’di gwo is kata mo, uni gun ’koki ciḵ gwo ki sule/ sule/ mo? Dhali uni mini ciḵ gwo kata ki dar ga manc̱i gwo mo?

¹⁵Dhali ’kwani mini mish gwo c̱i kata mo? hili isi ciki/ uni minu ’taki mii hash mo ba/. Me’d gwo kun ’kwarkunu mo ki: Sho’k gi uni gwansan kun c̱iki gwom ’borga/ mo tani wani jarowa?

¹⁶Hili uni ’baar ’koki c̱i is ki gwom ’borga/ yan mo. Haali/ a/Ishaya o gwo mo ki: Tapa gamkin maja gwo is jin ciḵa a’di ’peni aman mo?