Text copied!
BREAK EVERY YOKE
CopyCompare
Testament cub coʼ nac diʼs ndac cheʼn Tad Jesucrist
- ROMANOS
- ROMANOS 10

ROMANOS 10:8-16

Help us?
Click on verse(s) to share them!
8Per hui' gu' nexa. ¿Ché' inda'de gu' cuent xal mbez di's co' ndub loo libr co' nac xti's Diox? Di'sa mbez: Di's co' nac xti's Diox mzinle' xàn' nza gu' no tlate tyoodi's gu' cón nee di'sa. Mté'th gu' cón che'n di'sa no ndxan' cón che'n di'sa le'n lezo' gu'. Di's ndxè' nac cón che'n di's ndac co' ndlu' loo mèn xá mod tyal Diox yòo mèn loo cón che'n Diox por cón che'n Crist. Cón che'n di's ndaca ngo nu' yalbàn nalle'.
9Tac chele' thìb thìb gu' ta' cuent no co ro gu' le' Jesús nac Tad loo ryethe con', no chele' gu' yila's dib nzo yéc gu' no dib nzo lezo' gu' le' Diox mblo xban Tad Jesús làth mèn nguth, lyá' gu' loo con' ryes.
10Mèn co' dib nzo yéc no mèn co' dib nzo lezo' ndxela's loo Tad Jesús, ndyal Diox yòo mèna loo cón che'n Crist par gàc mèna mèn nalì no mèn nambìi loo Diox. Lomisque' ne, mèn co' nda' cuent no ngo ro mèn le' Jesús nac Tad loo ryethe con', mèna nac mèn co' mblyá'le' loo con' ryes.
11Loo libr co' nac xti's Diox ndub di's co' mbez: Ryete mèn co' ndxela's loo mbi'a, mèna ne'tyóode yiloa par ya ye'th lezo' mèna no par tyoo xà' lezo' mèna. Ne' ne' xi lezo' mèna yiloa por cón che'n mbi'a.
12Cona, ngue niin loo gu': Indyu'de mèn nación Israel más loo Diox leque taamas mèn co' inacte mèn nación Israel. Leque yub Diox nac Diox co' ñibe' loo rye mèn. No nda' Diox rye loothe con' ndac loo mèn co' mbez lèe Tad Diox.
13Por cona, ryete mèn co' cuez lèe Tad Jesús, mèna lyá' loo con' ryes.
14Hui' gu' nexa. ¿Xá mod cuez mèn lèe Tad Jesús co'se' tarte yila's mèn loo Tad Jesús, à'? No ¿xá mod yila's mèn loo Tad Jesús co'se' tarte gòn mèn cón che'n Tad Jesús, à'? No ¿xá mod gòn mèna cón che'n Tad Jesús co'se' yende chó mèn tarte co yalbàn cón che'n Tad Jesús loo mèn, à'? Yende moda, ¿lé'?
15No ¿xá mod co mèn yalbàn loo xtàa mèn co'se' yende chó mèn nzo co' tel' xtàa mèn par ya lo mèna yalbàn loo mèn? Yende moda, ¿lé'? Ndxàca loo mèn co' nda lo yalbàn xal ndub di's loo libr co' nac xti's Diox co' mbez taandxè': Susque' mèn ndac nac mèn loo Diox, mèn co' ngo yalbàn cón che'n di's ndac. No anze'f huen nda mèna.
16Per fte' lezo' gu' iryede mèn nación Israel ndyubdi's loo di's ndac co' ndlu' cón che'n Crist. Ndxàca loo mèn nación Israel xal ndub di's loo libr co' nac xti's Diox co'te' mque' Sayi ye's. Sayi ndxab: Yende chó mèn ngola's di's co' mde'th nu' loo mèn, Tad.

Read ROMANOS 10ROMANOS 10
Compare ROMANOS 10:8-16ROMANOS 10:8-16


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!