8Ko dahaannaar hamin ko giye? 鈥淏arjosa upsino hakal theedine; ogono hasa apontebee hasa woylamintebene鈥 koda hame. Ogono wonin giyayno Kiristoosdar woylamin qajadhen upsinone.
9Ogonoar 鈥淵esus Imbaane鈥 hamayse hasa aponka hanin tarjenna, Barjo kiam dembhira kinin dhaasonam gonne hamayse hasa woylaminka hanin tiyenna, dhaqaada dhaqe.
10Harrna hambhidianna, eedi yisa woylaminka Kiristoosdar woylam qajayse Barjo birante tipa kida maate; yisa aponkaar tarjayse kida dhaqe.
11Ogonoar 鈥淜idar woylamin qajea wul ooshimbhehe鈥 hamayse Mathaap Gazante thaapadhonnane.
12Kalaa Imbaa wo wulsa Imbaa kinin dohonna, Ayiwd eenbee Ayiwdtay hamma eenbesa shaarinte edime qolehe; kiam eelayna wulna yisa wodimmakkorra thoothi kida ime.
13Harrna hambhidianna, 鈥淚mbasa naabenam eelea wul dhaqa ki dhaqe鈥 hamayse thaapadhonnane.
14Keeda kidar woylamin qajaamma hamin kiam eelana ke dame? Kisa qansima hamin kidar woylam qajana ke dame? Kisa upsinam giyea qolma hamin hayayse qansana ke dame?
15Keam yittsadhaamma hamin kisa upsinam giyana ke dame? Ogonoar 鈥淧ayyan upsinam giyaate nivayna eena hamin ke wozise!鈥 hamayse thaapadhondettsine.
16Ko dahaannaar Isias 鈥淚mbo, wonin giyon upsinam hayne tiyaa?鈥 hamayse kinin giyondettsi, wul wozisen upsinam tiyadehe.
Roome 10
Roome 10:8-16