Loma 10:8-16

⁸Ma heꞌita moisa Yehoba ꞌina Buki ꞌoina bewa gide, “Gwaeina deimiya tuwa ꞌimiyamiya beno ꞌahwamiya ma wete ꞌatemiya.” Gwaeinaina beno hemisa weyahina ꞌalologuguyae ꞌoimiya,

⁹ma ꞌabehega Yehoba ꞌiꞌetolemegita ꞌeguma ꞌahwadega tatagwatagwala ma tagwae, “Yesu ꞌowa ꞌigu Bada”, ma ꞌatedega tahemisae ꞌabehega Yehoba Yesu ꞌiꞌabihe toholohileya ꞌamasega.

¹⁰Weyahina ꞌatedega tahemiseya eeta Yehoba ꞌiꞌahwa dumwaluwegita. Ta wete tahetohepwaila weyahina, ma ꞌiꞌetolemegita.

¹¹Gide Yehoba ꞌina Bukiya ꞌihepwaila, ꞌigwaeya, “Ceguma taiyawedi sihemisa, nata geyaꞌabwa siweꞌaweꞌa.”

¹²Ta geya ꞌeta wataha ꞌomi tomiya ganamuli ma tauma meYudiya gamwagamwanida, weyahina mabwaiyada tauna ꞌida Bada, ꞌoinega ꞌeguma taꞌahwanoi ꞌoina, nata ꞌihelau bwaibwainigita.

¹³Weyahina ꞌeguma taiya Badaina ꞌoina ꞌiꞌahwanoi, nata ꞌetolihasa ꞌiloba.

¹⁴Moisa, tomota geya sowasowahina ma ꞌetolihasa weyahina siꞌahwanoi ꞌoina, ꞌeguma geya sihemisae. Geya sihemisae weyahina geya Badaina sanina sihesagohe. Ma geya sihesagohe weyahina geya ꞌidi tologuguyamo.

¹⁵Ta ꞌeguma Bada tologuguya ꞌihewasaedi sitauya ꞌoidiya, nata Yesu wasana sihesagohe ma sihemisae, eema ꞌeguma saninega siꞌahwanoi nata ꞌiꞌabihetedi, weyahina Yehoba ꞌina Buki ꞌoina gide wete ꞌihepwaila pwaiya, ꞌigwaeya, “Tologuguyaowedi taudi tetela bwebweꞌana siꞌeweyama weyahidi tayaliyaya.”

¹⁶Ma tupwadi geya sihemisa, weyahina Aiseya ꞌihepwaila pwaiya weyahidi, ꞌigwaeya, “Bada yo, ꞌino gwaeina weyahina geya siꞌahwa moisaegau.”